Rama ndan pamje nga ndërtimi i urës në Berat, thotë se kjo e nxit më tej turizmin në këtë zonë

19:20 | 11 Nëntor 2024
E.H

Kryeministri i Shqipërisë, Edi Rama ka bërë të ditur se ura e Bilçës në Berat është drejt përfundimit.

Në llogarinë e tij në Facebook, Rama ka ndarë pamje nga punimet në urë teksa ka theksuar se shumë shpejt edhe do të funksionalizohet për qytetarët dhe banorët e Bilçës, përcjell Arbresh.info.

Më tej, i pari i qeverisë shqiptare potencoi se kjo urë do të nxisë më tej turizmin e agroturizmin.

“Drejt përfundimit ura e Bilçës në Berat, që shumë shpejt do të jetë funksionale për të gjithë qytetarët e Beratit dhe për banorët e Bilçës, të cilët me hapjen e kësaj ure do të jenë pjesë e lagjes më të re të Beratit, ndërkohë që ura do të nxisë më tej turizmin e agroturizmin në zonën e mrekullueshme përreth qytetit të një mbi një dritareve”, ka shkruar Rama./Arbresh.info